Kaliforniyada El-Nino təhlükəsi ilə bağlı fövqəladə vəziyyət elan edilib

Kaliforniya qubernatoru Qevin Nyusom güclü El-Nino hava fenomeni ilə əlaqədar ştatda fövqəladə vəziyyət elan edib.

Operativ Media xəbər verir ki, Nyusom qarşıdakı aylarda güclü yağış, daşqın və torpaq sürüşməsi riskinin artacağını bildirib.

Ştat hakimiyyəti mümkün daşqınlara qarşı hazırlıqları gücləndirəcək, yollar və infrastruktur möhkəmləndiriləcək. Milli Qvardiya isə mümkün xilasetmə əməliyyatlarına hazır vəziyyətə gətiriləcək.