Qırğızıstan ABŞ-dən 10 yük lokomotivi alacaq

Qırğızıstan Amerikanın Wabtec şirkətindən 10 ədəd TE33AC seriyalı magistral yük lokomotivinin alınması üçün müqavilə imzalayıb.

Operativ Media qırğız mediasına istinadən xəbər verir ki, lokomotivlərin təhvil verilməsi 2027-ci ilin sonuna qədər gözlənilir.

Yeni lokomotivlər "Qırğızıstan Dəmir Yolu" dövlət müəssisəsinin balans hesabatına əlavə ediləcək və onun donanmasının təxminən 30 faizinin modernləşdirilməsinə imkan verəcək.

Sadır Japarov lokomotiv parkının tam yenilənməsi məsələsinin növbəti beş il ərzində həll edilməsi barədə göstəriş verib.