Cənubi Afrikada baş verən kütləvi atışmada 11 nəfər ölüb

Cənubi Afrikanın şərqindəki Kvazulu-Natal əyalətində gecə saatlarında bir evdə baş verən atışma nəticəsində silahlı şəxslər 11 nəfəri öldürüb, üç nəfəri isə yaralayıb.

Operativ Media xəbər verir ki, bu barədə "NCA" televiziya kanalı məlumat yayıb.

Bildirilib ki, silahlı şəxslər hadisə yerindən qaçıblar.

Hücum nəticəsində on nəfər hadisə yerində ölüb, daha bir nəfər isə xəstəxanaya aparılarkən aldığı xəsarətlərdən dünyasını dəyişib.

Hadisə yerindən qaçmazdan əvvəl hücum edənlər ev sahibinə məxsus avtomobili yandırıblar.