BMT: Qəzzanın bərpası üçün 71,5 milyard dollar tələb olunur

Qəzzanın bərpası və yenidən qurulması üçün 71,5 milyard dollar vəsaitə ehtiyac olduğu açıqlanıb.

Operativ Media xəbər verir ki, bu barədə BMT-nin Ticarət və İnkişaf Konfransının (UNCTAD) hesabatında Fələstin iqtisadiyyatı və dövlət maliyyəsinin ağır təzyiq altında olduğu bildirilib.

Hesabata görə, 2026-cı ilin əvvəlinə Qəzzada fiziki infrastruktur zərəri 35,2 milyard, iqtisadi və sosial itkilər isə 22,7 milyard dollar qiymətləndirilib. Əlavə zərərlər qeydə alınacağı təqdirdə bərpa xərclərinin daha da artacağı qeyd olunub.