Egey dənizində Yunanıstan bərəsində yanğın baş verib

Egey dənizində Yunanıstana məxsus “Blue Carrier-2” bərəsinin yük yerində yanğın baş verib.

Operativ Media xəbər verir ki, bu barədə "Skai" telekanalı məlumat yayıb.

Hadisə Mikonos adasının şimalında qeydə alınıb. Bərədəki 28 ekipaj üzvü və 29-dan çox sərnişin təhlükəsiz şəkildə Tinos adasına təxliyə edilib.

Yanğın nəticəsində xəsarət alan olmayıb. Hadisənin söndürülməsi üçün dörd gəmi və helikopter cəlb olunub.