Əraqçı və Lavrov Hörmüz boğazında gəmiçiliklə bağlı vəziyyəti müzakirə edib

İranın xarici işlər naziri Abbas Əraqçı və Rusiyanın xarici işlər naziri Sergey Lavrov Hörmüz boğazında gəmiçilik zolaqları ilə bağlı son vəziyyəti müzakirə ediblər.

Operativ Media xəbər verir ki, bu barədə "ISNA" məlumat yayıb.

Görüş BMT Baş Assambleyası çərçivəsində Nyu-Yorkda keçirilib. Əraqçı İran və Oman arasında gəmiçilik zolaqları üzrə razılaşma və vasitəçilik səyləri barədə Lavrova məlumat verib.

Əraqçı boğazdakı təhlükəsizlik problemlərinə görə ABŞ-ni günahlandırıb. Lavrov isə ABŞ və İsrailin İrana zərbələrini pisləyib və beynəlxalq hüquqa riayət olunmasının vacibliyini vurğulayıb.