Qazaxıstanın Müdafiə Nazirliyində kompleks yoxlama aparmaq üçün komissiya yaradılıb

Qazaxıstan Respublikası Müdafiə Nazirliyində işlərin vəziyyətinin hərtərəfli araşdırılması üzrə Komissiya yaradılıb.

Operativ Media xəbər verir ki, bu barədə Akorda məlumat yayıb.

Məlumata görə, komissiyanın yaradılması barədə sərəncamı Qazaxıstan Prezidenti Kasım-Jomart Tokayev imzalayıb.

Komissiyaya Qazaxıstan Təhlükəsizlik Şurası sədrinin müavini Aida Balayeva rəhbərlik edir. Komissiya sədrinin müavini vəzifəsinə Ali Audit Palatasının sədri Əlixan Smayılov təyin edilib.