Səudiyyə Ərəbistanı Hörmüzdə ödənişsiz keçid tələb edib

Səudiyyə Ərəbistanının xarici işlər naziri Feysəl bin Fərhan Hörmüz boğazından keçidin 28 fevraldan əvvəlki vəziyyətinə qaytarılmasını və rüsumların aradan qaldırılmasını tələb edib.

Operativ Media xəbər verir ki, bu barədə Feysəl bin Fərhan BMT Baş Assambleyasındakı çıxışında İranın regiona hücumlarını pisləyib və Səudiyyə Ərəbistanının öz suverenliyini və milli resurslarını qorumaq hüququnu vurğulayıb.

Feysəl bin Fərhan Yaxın Şərqin kütləvi qırğın silahlarından azad olması və dinc nüvə proqramlarının beynəlxalq nəzarətə tabe tutulmasının vacibliyini də bildirib.