Aİ müdafiə nazirləri Ukraynaya “Patriot” raketlərinin göndərilməsinə razılıq əldə edə bilməyiblər

Aİ müdafiə nazirləri üzv ölkələrin ehtiyatlarındakı “Patriot” raketlərinin Ukraynaya göndərilməsi təklifi üzrə razılığa gələ bilməyiblər.

Operativ Media xəbər verir ki, bu barədə Aİ-nin xarici siyasət rəhbəri Kaja Kallas keçirilən iclasdan sonra mətbuat konfransında bildirib.

Aİ-nin xarici siyasət rəhbəri Kaja Kallas bildirib ki, raketlərin sonradan əvəzlənməsi şərti ilə tədarük məsələsi müzakirə olunub, lakin yeni qərar qəbul edilməyib.

Kallas qeyd edib ki, Ukraynanın raketlərə təcili ehtiyacı var, yeni “Patriot” sistemlərinin istehsalı isə vaxt tələb edir. Məsələnin müzakirəsinin davam etdirilməsi barədə razılığa gəlinib.