Ermənistanın Rusiyadakı səfirliyi pasport xidmətlərini müvəqqəti dayandırır

Ermənistanda yeni biometrik sənədlər sisteminin tətbiqi ilə əlaqədar olaraq, Ermənistanın Rusiyadakı səfirliyi və konsulluq idarələri pasportların verilməsi (dəyişdirilməsi) xidmətlərini müvəqqəti olaraq dayandırır.

Operativ Media xəbər verir ki, bu barədə Ermənistanın Rusiyadakı səfirliyi məlumat verib.

"2026-cı il oktyabrın 5-dən etibarən Ermənistan Respublikasının Rusiya Federasiyasındakı səfirliyi və konsulluq idarələri vasitəsilə pasportların verilməsi (dəyişdirilməsi) xidmətləri, o cümlədən videoəlaqə vasitəsilə xidmətlər müvəqqəti olaraq dayandırılacaq", - deyə bəyanatda bildirilir.