İspaniyada güclü yağışlar nəqliyyatı iflic edib

İspaniyanın Kataloniya bölgəsində güclü yağışlar dəmir yolu, avtomobil və hava nəqliyyatında ciddi problemlərə səbəb olub.

Operativ Media  xəbər verir ki, bu barədə xarici KİV məlumat yayıb.

Bölgədə 1 500-dən çox təcili yardım çağırışına müdaxilə edilib, bəzi yollar bağlanıb. Barselonada bir sıra metro stansiyalarını su basıb, qatarların hərəkətində fasilələr yaranıb.

Barselona El-Prat hava limanında 100-dən çox reys ləğv edilib, 270-dən çox uçuş isə gecikib.