Robert Kalinak: Azərbaycan suverenliyini qorumağın mümkün olduğunu göstərib

Suverenlik və ərazi bütövlüyü uğrunda mübarizə aparan ölkələr üçün bu anlayışlar xüsusi əhəmiyyət daşıyır.

Operativ Media xəbər verir ki, bunu Slovakiyanın Baş nazirinin müavini, müdafiə naziri Robert Kalinak Bakıda keçirilən qəbulda deyib.

O bildirib ki, Azərbaycan 30 illik mübarizəsinin nəticəsində suverenliyini və ərazi bütövlüyünü qorumağın mümkün olduğunu göstərib.

Kalinak Azərbaycanın bu uğuru münasibətilə təbrik edib və sülhün xalqlar üçün ən vacib dəyər olduğunu vurğulayıb.

Slovakiyanın müdafiə naziri Avropada təhlükəsizlik vəziyyətinin mürəkkəb olduğunu da qeyd edib.