Fransada məktəb etirazları zamanı 440 nəfər saxlanılıb

Fransada lisey şagirdlərinin etirazları zamanı 440 nəfər saxlanılıb.

Operativ Media xəbər verir ki, bu barədə ölkənin daxili işlər naziri Loran Nunes bildirib.

Qeyd edilib ki, həbslər əsasən daxili təhlükəsizlik qüvvələrinə dəyən ziyana və hüquq-mühafizə orqanlarına qarşı zorakılığa görə olub.

FransaTəhsil Nazirliyinin məlumatına görə, etirazlar nəticəsində 338 təhsil müəssisəsi zərər görüb. Ən azı 30 şagird və məktəb işçisi yaralanıb, həmçinin 48 hüquq-mühafizə orqanı əməkdaşı yaralanıb.

Təhsil şəraitindən narazı olan lisey şagirdlərinin etirazları 28 sentyabrda başlayıb və 29 sentyabrda davam edib. Fransada, xüsusən də İl-de-Frans bölgəsindəki məktəblilər resursların və müəllimlərin çatışmazlığına etiraz olaraq məktəbləri bağlayıblar.