Rusiyada fişəng zavodunda yanğın zamanı ölənlərin sayı 14-ə çatıb

Rusiyanın Yaroslavl vilayətində fişəng istehsalı zavodunda baş verən yanğın nəticəsində ölənlərin sayı 14 nəfərə çatıb, bir nəfər xəsarət alıb.

Operativ Media xəbər verir ki, bu barədə Rusiya Fövqəladə Hallar Nazirliyi məlumat yayıb.

Yanğının tamamilə söndürüldüyünü, hazırda isə dağıntıların təmizləndiyini bildirib.

Yanğının baş verdiyi Pereslavl-Zalesski rayonunda fövqəladə vəziyyət rejimi elan edilib.