Böyük Britaniya Rusiyaya qarşı yeni sanksiyalar tətbiq edib

Böyük Britaniya Rusiyaya qarşı 31 yeni sanksiya elan edib.

Operativ Media xəbər verir ki, bu barədə Böyük Britaniya Xarici İşlər Nazirliyi məlumat yayıb.

Məlumata görə, yeni məhdudiyyətlər LNG daşıyan kölgə donanması gəmilərinə, Kremlin dezinformasiya şəbəkələrinə və Ukraynada mülki şəxslərə qarşı hüquq pozuntularında iştirak edən şəxslərə şamil olunur.

Sanksiyalar çərçivəsində 8 nəfər ukraynalı mülki şəxslərin qanunsuz həbsi və işgəncələrində, 7 nəfər isə ukraynalı uşaqların militarizasiyası və ideoloji təsirə məruz qalmasında iştirak etdikləri bildirilən şəxslərdir.