Putin: Qlobal sülh və təhlükəsizliyi elə indi qorumaq lazımdır

Beynəlxalq arenada müşahidə olunan narahatedici tendensiyalar qlobal sülh və təhlükəsizliyin qorunmasını gündəmə gətirir.

Operativ Media xəbər verir ki, bunu Rusiya Prezidenti Vladimir Putin “Valday” Beynəlxalq Diskussiya Klubunun XXIII iclasının plenar sessiyasında deyib.

Putin bildirib ki, hazırda əsas məsələ qarşıdakı dövrdə dünya münasibətlərinin necə qurulacağını müzakirə etməkdən əvvəl mövcud təhlükəsizliyi qorumaqdır.

“Beynəlxalq arenada müşahidə etdiyimiz narahatedici tendensiyalar bizi ilk növbədə dünya qarşılıqlı əlaqələrinin qarşıdakı dövrdə necə daha səmərəli və ədalətli qurulacağını deyil, qlobal sülh və təhlükəsizliyi elə indi necə qorumaq barədə düşünməyə vadar edir”, - deyə Putin qeyd edib.

Rusiya Prezidenti vurğulayıb ki, bu vəziyyət əvvəlki hüquq normalarının bir çoxunun kənara atıldığı, yenilərinin isə hələ formalaşmadığı şəraitdə baş verir.