Tailandda 3,5 milyondan çox insan daşqınlardan əziyyət çəkib

Tailandın Banqkok şəhəri ilə yanaşı 31 bölgəsində güclü yağışların səbəb olduğu daşqınlar 3,5 milyondan çox insana təsir edib.

Operativ Media xəbər verir ki, bu barədə “Bangkok Post” məlumat yayıb.

Bildirilib ki, sentyabrın 16-dan davam edən yağışlar nəticəsində 1 milyon 245 min 581 təsərrüfatda yaşayan 3 milyon 535 min 206 nəfər zərər çəkib.

Daşqınlar nəticəsində 23 nəfərin öldüyü, əhalinin yerləşdirilməsi üçün 233 müvəqqəti sığınacaq mərkəzinin açıldığı bildirilib.