Aİ Ukraynaya 2,9 milyard avro maliyyə dəstəyi ayırıb

Avropa İttifaqı Ukraynanın maliyyələşmə ehtiyaclarını qarşılamaq və islahatlarını dəstəkləmək məqsədilə ölkəyə 2,9 milyard avro yeni maliyyə vəsaiti ayırıb.

Operativ Media xəbər verir ki, bu barədə Avropa İttifaqı məlumat verib.

Vəsait Ukraynanın məhkəmə, maliyyə bazarları, biznes mühiti, energetika, nəqliyyat, kənd təsərrüfatı və yaşıl keçid sahələrində həyata keçirdiyi islahatlarla əlaqələndirilib.

Bildirilib ki, bu, Ukrayna Maliyyə Yardımı Proqramı çərçivəsində 8-ci ödənişdir və son tranşla birlikdə Ukrayna Planı üzrə ümumi Aİ dəstəyi 32 milyard avronu keçib. İlin qalan hissəsində Ukraynaya 33,7 milyard avro maliyyə dəstəyinin ayrılması nəzərdə tutulur.