ABŞ HƏMAS-a sanksiyalar tətbiq edib

ABŞ HƏMAS-ın maliyyə şəbəkəsinə sanksiyalar tətbiq edib.

Operativ Media xəbər verir ki, bu barədə ABŞ Maliyyə Nazirliyi məlumat yayıb.

"Bu sanksiyalar saxta xeyriyyə strukturlarından və kriptovalyuta kanallarından istifadə edərək 2 milyon dollardan çox vəsaitin HƏMAS-a yönəldildiyi mürəkkəb çoxillik maliyyə arxitekturasını aşkar edir. Bu, təşkilatın aşkarlanmaqdan yayınmaq üçün vəsait toplama üsullarını dəyişdirmək qabiliyyətini hələ də qoruduğunu göstərir", - ABŞ Maliyyə Nazirliyinin bəyanatında bildirilib.

Qurumun məlumatına görə, HƏMAS üzvü Səlim Abdulla Səlim əz-Zək qruplaşmanın Qəzza zolağındakı hərbi qanadının tabor komandirinin müavinidir.

Maliyyə Nazirliyindən bildirilib ki, o, HƏMAS-ın hərbi qanadı olan "Əl-Qəssam" briqadasına əhəmiyyətli miqdarda vəsait köçürmək üçün müxtəlif pul köçürmə xidmətləri və kriptovalyuta cüzdanlarından istifadə edən maliyyə şəbəkəsinə nəzarət edir.