Pakistan Səudiyyə Ərəbistanına 40 minə yaxın hərbçi göndərib

Pakistan quru sərhədlərin qorunması, həmçinin dron və raketlərin qarşısının alınması məqsədilə Səudiyyə Ərəbistanına 30-40 min hərbçi göndərib.

Operativ Media xarici mətbuata istinadən xəbər verir ki, hərbçilər ötən ildən başlayaraq, o cümlədən son eskalasiyadan sonra bir neçə qrup halında Səudiyyə Ərəbistanına göndərilib. 

Bununla belə, İslamabad hələlik döyüş əməliyyatlarında iştirak etmək üçün Yəmənə qoşun göndərilməsi barədə qərar qəbul etməyib.

Qeyd olunur ki, Pakistan Müdafiə Nazirliyi Ər-Riyada göstərilən hərbi dəstəklə bağlı "Reuters"in sorğusuna şərh verməyib.