Pakistanlı general Məkkə Müdafiə İttifaqının Baş katibi seçilib

Pakistanlı general-leytenant Nauman Mahmud Məkkə Müdafiə İttifaqının Baş katibi vəzifəsinə seçilib.

Operativ Media xəbər verir ki, bu barədə “TRT Haber” məlumat yayıb.

Qərar Məkkə Ortaq Müdafiə Sazişi çərçivəsində keçirilən Strateji Siyasi və Müdafiə Komitəsinin iclasından sonra qəbul edilən birgə bəyanatda açıqlanıb.

Bəyanatda Məkkə və Mədinəni hədəf alan hücum cəhdləri, eləcə də Səudiyyə Ərəbistanının şəhərləri, mülki və iqtisadi obyektlərinə qarşı hücumlar sərt şəkildə qınanılıb.

Sənəddə Səudiyyə Ərəbistanına qarşı hücumlar fonunda ölkənin təhlükəsizliyi və ərazi bütövlüyünün qorunması istiqamətində silahlı qüvvələrin nümayiş etdirdiyi peşəkarlıq xüsusi qeyd olunub.