“Boeing” və “Lockheed Martin” 14,7 milyard dollarlıq müqavilə imzalayıb

"Boeing" və "Lockheed Martin" şirkətləri "PAC-3 Missile Segment Enhancement (MSE)" istehsalını və təchizatını genişləndirmək üçün təxminən 14,7 milyard dollar dəyərində yeddi illik müqavilə imzalayıblar.

Operativ Media-ın "Reuters"ə istinadən məlumatına görə, bu barədə "Boeing" şirkətinin açıqlamasında bildirilir.

Qeyd olunur ki, saziş şirkətə PAC-3 MSE-nin özünü yönəldən başlıqlarının istehsalını üç dəfə artırmağa imkan verəcək - bu raketlərin yönləndirilməsi sisteminin komponentidir, yaxınlaşan hədəfləri aşkarlayır, izləyir və onların vurulmasına kömək edir.

Yanvarda "Lockheed Martin", ABŞ Müdafiə Nazirliyi ilə PAC-3 tutucu raketlərinin illik istehsal gücünü 600-dən 2 000 ədədə qədər artırmaq üçün yeddi illik çərçivə müqaviləsi elan edib.

Bu müqavilələr Tramp administrasiyasının ABŞ silah istehsalını artırmaq üçün daha geniş miqyaslı təşəbbüsünün bir hissəsidir.