Keniyada Eboladan ilk ölüm hadisəsi qeydə alınıb

Keniyada Ebola qızdırmasından ilk ölüm halı qeydə alınıb.

Operativ Media xəbər verir ki, bu barədə KBC televiziyası ölkənin səhiyyə naziri Aden Dualeyə istinadən məlumat verib.

Nazir bildirib ki, son yeddi ildir Konqo Demokratik Respublikasında yaşayan Keniya vətəndaşı olan xəstə bir ay əvvəl xəstələnib  bir neçə xəstəxanada müalicə alıb. O, bu yaxınlarda Keniyaya gəlib və Nayrobidə xəstəxanaya yerləşdirilib.

Qeyd edilib ki, xəstə sonradan orada vəfat edib.

İndiyə qədər 28 nəfər, o cümlədən mərhumla təmasda olan ailə üzvləri və səhiyyə işçiləri müəyyən edilib. 

Nazirin sözlərinə görə, Ebola qızdırması üçün gücləndirilmiş epidemioloji nəzarət tətbiq edildikdən bəri Keniyada 650 mindən çox səyahətçi testdən keçirilib. Əhaliyə əllərini tez-tez yumaq, aktiv Ebola virusunun yayılmasının qeydə alındığı ölkələrdən gələn insanlarla yaxın təmasdan çəkinmək və özlərini pis hiss etdikləri təqdirdə tibbi yardım almağa çağırılır.