Polşada məktəbdə bıçaqlı hücum olub, ölən və yaralananlar var

Polşanın Vışkuv şəhəri yaxınlığındakı məktəbdə bıçaqlı hücum nəticəsində 1 nəfər ölüb, 2 nəfər yaralanıb.

Operativ Media  xəbər verir ki, bu barədə Polşa mediası məlumat yayıb.

Bildirilib ki, 15 yaşlı şübhəli məktəbə daxil olaraq direktor, xadimə və müəllimə hücum edib. 37 yaşlı xadimə aldığı xəsarətlərdən həyatını itirib.

Şübhəli polis tərəfindən saxlanılıb. Hadisə Mazovets voyevodalığında bir gün əvvəl məktəbdə 9 nəfərin yaralandığı bıçaqlı hücumdan sonra baş verib.