Fransada polis məktəblilərin etirazına gözyaşardıcı qazla müdaxilə edib

Fransanın Nantes şəhərində məktəb və universitet tələbələrinin etiraz aksiyası zamanı polis gözyaşardıcı qazdan istifadə edib.

Operativ Media xəbər verir ki, bu barədə “CNews” telekanalı məlumat yayıb.

Məlumata görə, bəzi nümayişçilər küçələri zibil qutuları və tikinti çəpərləri ilə bağlamağa çalışıblar. Bundan sonra polis müdaxilə edib və bir neçə nəfər saxlanılıb.

"Fransada məktəblilərin etirazları sentyabrın sonlarından başlayıb və digər şəhərlərə də yayılıb. Etirazlar zamanı polis və nümayişçilər arasında bir sıra toqquşmalar baş verib", - məlumatda qeyd olunub.