İran MDB sammitində enerji və təhlükəsizlik məsələlərini müzakirə edəcək

İran Prezidenti Məsud Pezeşkian oktyabrın 9-da Türkmənistanda keçiriləcək MDB sammiti çərçivəsində enerji sahəsində əməkdaşlıq perspektivlərini və təhlükəsizlik məsələlərini müzakirə edəcək.

Operativ Media xəbər verir ki, bu barədə İran prezidenti bildirib.

Pezeşkian səfərin dövlət başçıları ilə çoxtərəfli əlaqələr və birtərəfli addımlara qarşı mübarizə məsələlərini müzakirə etmək üçün imkan yaratdığını bildirib.

O, həmçinin ticarət, mədəniyyət, siyasət və təhlükəsizlik sahələrində müxtəlif məsələlərin gündəmə gətiriləcəyini qeyd edib. İran Prezidenti sammit çərçivəsində ekoloji məsələləri də müzakirə edəcək.