Türkiyə-Gürcüstan sərhədində torpaq sürüşməsi baş verib

Türkiyənin Artvin vilayətində, Gürcüstan sərhədi yaxınlığında torpaq sürüşməsi nəticəsində 1 nəfər ölüb, 8 yük avtomobili zədələnib.

Operativ Media xəbər verir ki, bu barədə xarici KİV məlumat yayıb.

Hadisə Hopa rayonunda Qara dəniz Sahil Yolunda baş verib. Dağ yamacından qopan qaya və torpaq kütləsi yük avtomobillərinin parklanma sahəsinə tökülüb.

"45 yaşlı sürücü Kasım Topaloğlu avtomobilini xilas etməyə çalışarkən üzərinə qaya parçasının düşməsi nəticəsində həyatını itirib. Ərazidə yeni sürüşmə riski səbəbindən təmizləmə və xilasetmə işləri davam edir", - məlumatda qeyd olunub.