Avropanın qaz ehtiyatları qış öncəsi narahatlıq yaradıb

Avropa İttifaqında təbii qaz anbarlarının doluluq səviyyəsi 72 faiz təşkil edir və region qışa tarixi baxımdan aşağı ehtiyatlarla daxil olur.

Operativ Media xəbər verir ki, bu barədə Avropa Qaz Ötürmə Sistemi Operatorları Şəbəkəsi (ENTSOG) məlumat verib.

ENTSOG-un hesabatında anbarların qışda qaz tələbatının qarşılanması və təchizat təhlükəsizliyinin təmin edilməsində mühüm rol oynadığı bildirilib.

Hesabatda qeyd olunub ki, LNG tədarükü aşağı ehtiyatları qismən kompensasiya edə bilər. Lakin LNG təchizatı məhdudlaşarsa, anbarların doluluq səviyyəsinin qışın sonunda 30 faizdən aşağı düşə biləcəyi xəbərdarlığı edilib.