XİN: 2020-ci ildən indiyədək 443 Azərbaycan vətəndaşı mina qurbanı olub

Bu gün Cəbrayıl rayonunda ata və oğlu mina partlayışı nəticəsində ağır xəsarət alıb.

Operativ Media xəbər verir ki, bu barədə Azərbaycan XİN-in “X” sosial media hesabında paylaşım edilib.

Bildirilib ki, bununla da 2020-ci il müharibəsindən sonra Azərbaycanda mina qurbanlarının sayı 443-ə çatıb.

“Bu dəhşətli hadisə minaların yaratdığı ölümcül və ayrı-seçkisiz təhlükəni, onların günahsız insanların həyatına son qoymaqda və ağır xəsarətlər yetirməkdə davam etdiyini bir daha nümayiş etdirir”, – paylaşımda qeyd olunub.

Azərbaycan XİN minaların yaratdığı davamlı təhlükəni qətiyyətlə pisləyib və Azərbaycanda minatəmizləmə fəaliyyətinə daha çox beynəlxalq diqqətin göstərilməsinə çağırıb.