İranın müdafiə naziri ABŞ-yə xəbərdarlıq edib

İranın müdafiə naziri vəzifəsini icra edən briqada generalı Məcid İbn ər-Rza ABŞ rəsmilərini mümkün “yanlış hesablamaların” nəticələri barədə xəbərdar edib.

Operativ Media xəbər verir ki, bu barədə “Tasnim” agentliyi məlumat yayıb.

Məlumata görə, general ABŞ müdafiə naziri Pit Hegsetin açıqlamalarına cavab olaraq iki ölkə arasındakı məsafənin İran raketlərinin mənzili ilə müəyyənləşdiyini bildirib.

İbn ər-Rza son sözü döyüş meydanının dediyini qeyd edib və ABŞ rəsmilərinə hər hansı səhvin yeni qarşıdurmaya səbəb ola biləcəyi barədə xəbərdarlıq edib.