Pezeşkian ABŞ ilə danışıqlar üçün təzyiq və hədələrin aradan qaldırılmasını istəyib

İran Prezidenti Məsud Pezeşkian ABŞ ilə danışıqların uğurunun təzyiq və hədələr olmadan aparılmasından asılı olduğunu bildirib.

Operativ Media xəbər verir ki, bu barədə İran mediası məlumat yayıb.

Pezeşkian Türkmənistanda keçirilən MDB sammitində çıxışında əməkdaşlıq, qarşılıqlı etimad və ortaq maraqlara əsaslanan təhlükəsizliyin vacibliyini vurğulayıb.

O, həmçinin region ölkələrini enerji istehsalı, ötürülməsi və mübadiləsi sahələrində əməkdaşlığı genişləndirməyə çağırıb.