Çin ABŞ ilə əməkdaşlığa hazırdır

Çin Silahlı Qüvvələri ABŞ ordusu ilə qarşılıqlı əlaqəni gücləndirməyə və əməkdaşlığı genişləndirməyə hazırdır.

Operativ Media bu barədə xarici KİV-ə istinadən xəbər verir.

Bildirilib ki, Çin Müdafiə Nazirliyinin rəsmi nümayəndəsi Çen Sİ bəyan edib ki, Çin ordusu iki ölkə rəhbərinin əldə etdiyi mühüm razılaşmaları lazımi səviyyədə yerinə yetirmək üçün ABŞ tərəfi ilə birgə işləmək əzmindədir:

“Biz dialoqu gücləndirməyə, mübadilə və əməkdaşlığı genişləndirməyə hazırıq. Bu addım Çin və ABŞ arasında hörmət, ədalət və qarşılıqlı faydaya əsaslanan konstruktiv strateji sabitlik münasibətlərinin qurulmasına yeni təkan verəcək”, - o qeyd edib.