ABŞ-da atışma 9 nəfərin ölümü ilə nəticələnib

ABŞ-nin Pensilvaniya ştatının İri şəhərində yaşayış massivində baş verən atışma nəticəsində şübhəli şəxs də daxil olmaqla 9 nəfər həlak olub.

Operativ Media xəbər verir ki, bu barədə “Associated Press” məlumat yayıb.

Polis atəş səslərini müəyyən edən “ShotSpotter” sistemindən daxil olan siqnal əsasında bir neçə dəqiqə ərzində hadisə yerinə çatıb.

Məlumata görə, polis gələnədək bütün ölüm halları baş verib və bundan sonra atəş açılmayıb.