İran ABŞ-nin təkliflərini nəzərdən keçirir

İran ABŞ-nin son təkliflərini təhlil edir və araşdırma başa çatdıqdan sonra mövqeyini vasitəçilərə çatdıracaq.

Operativ Media xəbər verir ki, bu barədə İran Xarici İşlər Nazirliyinin sözçüsü İsmayıl Bəqai bildirib.

Onun sözlərinə görə, Tehranın yeddi günlük planı ilə bağlı Vaşinqtonun cavabı nəzərdən keçirilir.

Bəqai qeyd edib ki, İran Hörmüz boğazının açılması üçün ABŞ-nin dəniz blokadasının ləğvini, bütün cəbhələrdə müharibənin dayandırılmasını və dondurulmuş aktivlərinin azad edilməsini tələb edir.