DİN rəhbəri: Azərbaycan İran üçün dost və qardaş ölkədir

İranın daxili işlər naziri İsgəndər Momeni göstərilən humanitar yardıma görə Azərbaycan Prezidenti İlham Əliyevə təşəkkür edib.

Operativ Media xəbər verir ki, bu barədə İsgəndər Momeni İlham Əliyevlə görüşü zamanı bildirib.

Nazir qeyd edib ki, Azərbaycan İran üçün dost və qardaş ölkədir:

"İranda müxtəlif zamanlarda baş vermiş hadisələr, o cümlədən güclü zəlzələlər və meşə yanğınları zamanı Azərbaycanın göstərdiyi humanitar yardıma və dəstəyə görə bir daha təşəkkürümüzü bildiririk".