ABŞ və Avropa Ukrayna münaqişəsinin həlli üçün dörd bəndlik plan hazırlayır

ABŞ və Avropa Ukrayna münaqişəsinin həlli məqsədilə dörd bənddən ibarət sülh təklifi üzərində işləyir.

Operativ Media xəbər verir ki, bu barədə “The Washington Post” qəzeti məlumat yayıb.

Məlumata görə, plan Ukraynanın bərpasını, Rusiya və Ukrayna üçün təhlükəsizlik zəmanətlərini, enerji sahəsində iqtisadi əməkdaşlığı və mövcud cəbhə xətti boyunca atəşkəsi əhatə edir.

Təklifdə həmçinin Rusiyanın Avropa ilə iqtisadi və təhlükəsizlik sazişi bağlaması, enerji bazarına çıxışı və sanksiyaların ləğvi məsələləri nəzərdə tutulur.