Dövlət başçısı: İşğal dövründə 54,3 min hektar meşə sahəsi məhv edilib

“İşğal dövründə 54,3 min hektar meşə sahəsi məhv edilmiş, torpaq və su ehtiyatları çirkləndirilmişdir”.

Operativ Media xəbər verir ki, bunu Prezident İlham Əliyev VI “Rebuild Garabagh” sərgisinin iştirakçılarına müraciətində bildirib.

Dövlət başçısı qeyd edib ki, indiyədək 600 hektar meşə fondu bərpa olunub.

İlham Əliyev vurğulayıb ki, meşələrin və su ekosistemlərinin bərpası, eləcə də iqlim dəyişmələrinin təsirlərinə davamlı tikinti həllərinin tətbiqi regionun uzunmüddətli inkişafı üçün xüsusi əhəmiyyət daşıyır.