Yaponiyanın kənd təsərrüfatı naziri qalmaqala görə istefa verib

Yaponiyanın kənd təsərrüfatı naziri Kazuo Yana qalmaqallar fonunda istefa vermək qərarına gəlib.

Operativ Media xəbər verir ki, bu barədə “Kyodo News” agentliyi məlumat yayıb.

Məlumata görə, Kazuo Yana keçmiş açıqlamaları və davranışına görə tənqid olunub. O, fevralda keçirilən seçkilərdə onu dəstəkləməyən bələdiyyə sədrlərinin təmsil etdiyi ərazilərə ayrılan yol büdcələrinin azaldıla biləcəyini eyham edib.

O, sentyabrın 17-də hökumətə daxil olub və vəzifədə bir aydan az müddət qaldıqdan sonra istefa vermək qərarına gəlib.