Şavkat Mirziyoyev Azərbaycana səfər edəcək

Özbəkistan Respublikasının Prezidenti Şavkat Mirziyoyev Azərbaycan Prezidenti İlham Əliyevin dəvəti ilə oktyabrın 14-15-də Bakıya işgüzar səfər edəcək.

Operativ Media xəbər verir ki, bu barədə Uza məlumat yayıb.

Özbəkistan lideri Asiyada Əməkdaşlıq və Etimad Tədbirləri Şurasının Bakıda keçiriləcək yeddinci zirvə toplantısında iştirak edəcək.

Tədbirin sonunda Bakı Bəyannaməsinin, Təşkilatın rolunu və səmərəliliyini artırmağa yönəlmiş bir sıra qərarların qəbul edilməsi planlaşdırılır.