Tramp Ukraynanın Rusiyadakı neft emalı zavodlarına hücumlarını pisləyib

ABŞ Prezidenti Donald Tramp Ukraynanın Rusiyadakı neft emalı zavodlarına hücumlarını “utancverici” adlandırıb və bu zərbələrin dünya bazarında neft qiymətlərinin artmasına təsir göstərdiyini bildirib.

Operativ Media xəbər verir ki, Tramp bu barədə “Newsmax” telekanalına müsahibəsində danışıb.

O qeyd edib ki, Ukrayna Prezidenti Volodimir Zelenskinin Rusiyadakı neft emalı zavodlarına hücumları dünya bazarında neftin bahalaşmasına səbəb olur.

Trampın sözlərinə görə, dizel yanacağının istehsal edildiyi zavodlara zərbələr endirilməsi nə ABŞ, nə də dünyanın digər ölkələri üçün müsbət nəticə verir.