Zelenski Putinlə istənilən ölkədə görüşməyə hazırdır

Ukrayna Prezidenti Volodimir Zelenski sülhə nail olmaq üçün Rusiya lideri Vladimir Putinlə istənilən ölkədə görüşməyə hazır olduğunu bildirib.

Operativ Media xəbər verir ki, bu barədə Volodimir Zelenski sosial şəbəkə hesabında paylaşım edib.

Zelenski danışıqların müxtəlif formatlarda keçirilə biləcəyini qeyd edib. O, mümkün görüş yerləri arasında BƏƏ, Səudiyyə Ərəbistanı və Avropa ölkələrini göstərib.

Onun sözlərinə görə, hələlik Moskva və Vaşinqton belə bir görüşü təsdiqləməyib.