Slovakiyada parlament seçkilərinin keçiriləcəyi tarix açıqlanıb

Slovakiyada növbəti parlament seçkiləri 2027-ci il sentyabrın 25-də keçiriləcək.

Operativ Media xəbər verir ki, bu barədə Slovakiya Radiosu ölkə parlamentinin sədri Riçard Raşinin açıqlamasına istinadən məlumat yayıb.

Slovakiyada əvvəlki parlament seçkiləri 2023-cü ilin sentyabrında baş tutub. Seçkilərin nəticələrinə əsasən, “İstiqamət – Sosial Demokratiya”, “Səs – Sosial Demokratiya” və Slovakiya Milli Partiyasından ibarət koalisiya hökuməti formalaşdırılıb.

Səlahiyyət müddəti gələn ilin payızında başa çatacaq hökumətə “İstiqamət – Sosial Demokratiya” partiyasının lideri Robert Fitso rəhbərlik edir.