27 Oktyabr 2022, 09:49
ABŞ Azərbaycan və Ermənistan liderlərini onlar üçün faydalı olan istənilən formatda görüşməyə çağırıb
ABŞ Azərbaycan və Ermənistan liderlərini onlar üçün faydalı olan istənilən formatda görüşməyə çağırıb şəkil
ABŞ Azərbaycan və Ermənistan liderlərini onlar üçün faydalı olan istənilən formatda görüşməyə çağırıb

ABŞ Ermənistan-Azərbaycan sülh danışıqlarına sadiqdir.

"Operativ Media" xəbər verir ki, bunu ABŞ Dövlət Departamentinin sözçüsünün müavini Vedan Patel brifinqdə deyib.

O, vurğulayıb ki, ABŞ hər iki ölkənin liderini onlar üçün faydalı olan istənilən formatda görüşməyə çağırıb: “Bizim baxışımız budur ki, birbaşa dialoq bu məsələlərin həllinin və uzunmüddətli sülhə nail olunmasının açarıdır”.

Patel qeyd edib ki, ABŞ hər zaman Cənubi Qafqazın hər üç ölkəsinin suverenliyi və müstəqilliyini dəstəkləyib.

Əlavə edib ki, 1991-ci ildə Ermənistan, Azərbaycan və Gürcüstanın Sovet İttifaqından ayrılaraq öz müstəqilliyini bərpa etməsi bu ölkələrin hər birinə öz xarici siyasət maraqlarını və suverenliyini həyata keçirmək hüququ verib.

Brifinqdə Patelə Ermənistanın Azərbaycan ərazilərində yerləşdirdiyi minalarla bağlı sual da ünvanlanıb. Müxbir bu minaların partlaması nəticəsində 262 nəfərin həyatını itirdiyini, Dövlət Departamentinin 8 ay öncə minalarla bağlı problemlərin həlli üçün 2 milyon dollar həcmində yardım elan etdiyini xatırladıb. O, bu yardımın ayrılıb-ayrılmadığını, proqramın hazırkı vəziyyətini soruşub.

“Mən anladığım qədəri ilə elədir (proqram keçərlidir), ancaq dəqiqləşdirəcəm – biz sizə spesifik informasiyaları təqdim edəcəyik”, - deyə Patel sualı cavablandırıb.

Qeyd edək ki, oktyabrın 31-də soçidə Rusiya, Azərbaycan və Ermənistan liderlərinin üçtərəfli görüşü gözlənilir

Son xəbərlər
Paşinyan Almaniyaya səfər edib
Soçi hava limanı uçuşları dayandırıb
Robert Kennedi ABŞ-nin Səhiyyə və Sosial Xidmətlərinin yeni katibi seçilib
Ərdoğan: İslam dünyası Trampın planlarına icazə verməyəcək
İsrail Ordusu Qəzzaya zərbələr endirib
Çin, Cənubi Koreya və Yaponiyanın xarici işlər nazirlərinin görüşü planlaşdırılır
Vardanyan Azərbaycan diplomatlarına qarşı terror aktları planlaşdırmaqda ittiham edilir
Aİ müşahidə üzvləri Qubadlı ilə sərhəddə Azərbaycan ərazilərini müşahidə etdilər