Türkiyənin niyyəti NATO-nun güclənməsinin, genişlənməsinin qarşısını almaq deyil, terrorla mübarizədə konstruktiv addımları görməkdir.
"Operativ Media" xəbər verir ki, bu barədə Türkiyənin xarici işlər naziri Mövlud Çavuşoğlu NATO-nun Baş katibi Yens Stoltenberq ilə birgə mətbuat konfransı zamanı bildirib.
Diplomat qeyd edib ki, İsveç və Finlandiya tərəfindən bəzi addımlar atılsa da, üzərlərinə götürülən bütün öhdəliklər yerinə yetirilməyib: “Sadəcə silah embarqosunu qaldırmaq yetməz, bu addımların qalıcı olması lazımdır. Bu ölkələrin NATO-ya nə zaman daxil olacaqları onların addımlarından asılıdır”.
