Türkiyə Ukrayna limanlarında ilişib qalan türk gəmilərinin təxliyyəsi ilə bağlı Rusiya və Ukrayna ilə danışıqları davam etdirir.

"Operativ Media" xəbər verir ki, bu barədə Türkiyə Müdafiə Nazirliyi məlumat yayıb.

Məlumata görə, Ankara sövdələşmənin dördtərəfli formatda bərpa olunmasının tərəfdarıdır.

"Biz Ukrayna və Rusiya Federasiyası ilə Türkiyə bayrağı daşıyan gəmilərin təhlükəsiz şəkildə təxliyəsi ilə bağlı danışıqlar aparırıq", - məlumatda deyilir.

Əlavə edək ki, “Taxıl müqaviləsi”nin koordinatoru Yusuf Karakaş mayın sonunda Ukrayna limanlarında təxminən 12 gəminin ilişib qaldığını bildirib.

Gözəl Həşimova