Baş Prokurorluğun idarə rəisi Xaçatryanın saxlanması barədə danışdı

“44 günlük Vətən müharibəsindən sonra tarixi və hüquqi baxımından bir sıra hadisələr baş verib. Belə ki, Azərbaycan Respublikasının cinayət mühakimə icraatında vətəndaşlarımıza qarşı sülh və insanlıq əleyhinə, müharibə cinayətləri törətmiş şəxslər cinayət məsuliyyətinə cəlb olundu və onların barəsində qanuni qüvvəyə minmiş məhkəmə hökmləri qəbul edildi”.

"Operativ Media" xəbər verir ki, bunu Baş Prokurorluğun idarə rəisi Mahir Abbasov AzTV-də "Əsas məsələ" verilişində deyib.

Mahir Abbasov bildirib ki, Meşəli hadisələri ilə bağlı saxlanan Vaqif Xaçatryanın cinayət məsuliyyətinə cəlb edilməsi beynəlxalq və milli hüquq normalarına uyğundur:

"Bu təcrübə Azərbaycan Respublikasının cinayət mühakimə icraatında mövcuddur.

Qüvvədə olunan cinayət qanunvericiliyinə əsasən cinayət məsuliyyətinə cəlb etmə müddələri sülh və insanlıq əleyhinə, müharibə cinayətlərinə şamil edilmir".