Ceyhun Bayramovla BƏƏ xarici işlər naziri arasında telefon danışığı olub

Azərbaycanın xarici işlər naziri Ceyhun Bayramovla Birləşmiş Ərəb Əmirliklərinin (BƏƏ) xarici işlər naziri Şeyx Abdullah bin Zayed Al Nahyan arasında telefon danışığı olub.

"Operativ Media" xəbər verir ki, bu barədə Azərbaycan Xarici İşlər Nazirliyi tvitterdə paylaşım edib.

Bildirilib ki, nazirlər ikitərəfli və çoxtərəfli münasibətlərin daha da genişləndirilməsi imkanlarını, o cümlədən regional vəziyyəti müzakirə ediblər.