BMT-də Qarabağdakı vəziyyət müzakirə olunur

BMT Təhlükəsizlik Şurasının iclası keçirilir. İclasda Qarabağdakı vəziyyət müzakirə olunur. 

"Operativ Media" xəbər verir ki, iclas Ermənistanın müraciəti əsasında baş tutub.

Bu dəqiqəyə qədər Braziliya, Qana, Albaniya və Çin rəsmiləri çıxış ediblər. Albaniya və Braziliya təmsilçiləri Laçın dəhlizi ilə yanaşı, alternativ yolların da, o cümlədən Ağdam-Xankəndi yolunun da humanitar vəziyyətin düzəlməsində istifadə edilə biləcəyini dilə gətirib.  

Qeyd edək ki, avqust ayında BMT Təhlükəsizlik Şurasına Amerika Birləşmiş Ştatları sədrlik edir və iş proqramını Vaşinqton tərtib edir.