2020-c il Vətən Müharibəsindən sonra 3 tərəfli bəyanat və bunun əsasında aparılan işlər ona istiqamətlənmişdi ki, Azərbaycanın ərazi bötüvlüyü təmin olunacaq. Azərbaycan ərazisində məskunlaşan və ya məskunlaşdırılan ermənilər ya Azərbaycan vətəndaşlığını qəbul etməlidir, ya da Azərbaycan ərazisindən getməlidir. İstəsələr Laçın vasitəsilə, istərsə də Ağdamdan keçməklə. Yollar açıqdır, yəni onlara gələcək talehləri ilə bağlı seçim yolu verilib.
2020-ci ildən 3 il keçib. Keçən zaman onu göstərdi ki, zamanla Azərbaycan höküməti ərazi bötüvlüyü və ərazi təhlükəsizliyi baxımından işlər görüb. Onun nəticəsidir ki, 1-ci Qarabağ Müharibəsi nəticəsində doğma evlərindən, rayonlarından didərgin düşmüş azərbaycanlılar yurdlarına qayıdır. Qarabağdakı ermənilər onları üzük qaşı kimi əhatəyə alan azərbaycanlıların əhatəsində yaşamalı ya da bağlamalarını əlinə alıb bayaq dediyim yollardan keçib getməklə Ermənistana gedə bilərlər. Qalmaq məsələsi isə sülh müqaviləsi ilə tam həllini tapacaq. Ancaq indi tapmacalar ortaya atılır. Tapmacalar Qarabağda ermənilərin guya humanitar böhranı, Azərbaycan və Ermənistan şərti sərhəddində ermənilərin hərbi təxribatları, hətta təxribatın Naxçıvanla sərhədə qədər aparıb çıxarılması, erməni diversiya qruplarının Azərbaycan ərazilərinə soxulmaq cəhdləri və beynəlxalq təşkilatlara Azərbaycandan şikayət etmək şəklində ortaya atılır. Əsl səbəb nədir? – Bu bilinmir.
Sülh istəyirəm deyənlərə bu tapmacaları kim yazıb verir, onlar da bunları bir ağızdan söyləyir?! Gah nala, gah mıxa vuraraq niyə çaşdırıcı manevrlər edirlər? Ermənistanla Azərbaycan arasında olan gərginliyin aradan qaldırılması üçün “bütün mümkün vasitələrdən istifadə etməyə hazırıq” deyən digər xarici ölkələr və ya ölkə bu məsələdə “tapmaca oyununa son qoyun, yoxsa sonunuz çatacaq” reallığını Ermənistana başa salmırlar?! Ya da ümumiyyətlə bunu istəmirlər çünki gərginlik sevirlər.
Samir Cabbarov – Operativ Media
