Mirziyoyev Azərbaycana səfərə gəlib - YENİLƏNİB

Özbəkistan Respublikasının Prezidenti Şavkat Mirziyoyev avqustun 22-də Azərbaycan Respublikasına dövlət səfərinə gəlib.

"Operativ Media" xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.

Prezident Şavkat Mirziyoyevi və xanımı Ziroatxon Mirziyoyevanı hava limanında Azərbaycanın Baş nazirinin birinci müavini Yaqub Eyyubov, xarici işlər nazirinin müavini Elnur Məmmədov və digər rəsmi şəxslər qarşıladılar.

***

10:33

Şavkat Mirziyoyev Azərbaycana dövlət səfərinə yola düşüb.

"Operativ Media" xəbər verir ki, bu barədə Özbəkistan Prezidentinin mətbuat xidməti məlumat yayıb.

Bildirilib ki, o, səfər proqramına uyğun olaraq, Bakıda ikitərəfli və geniş tərkibdə yüksək səviyyəli danışıqlar aparacaq.

Füzuli və Şuşa şəhərlərinə birgə səfər, dövlət başçılarının iştirakı ilə digər tədbirlərin keçirilməsi nəzərdə tutulub.

Nərmin Qocamanova